Wikipedia:Artikel nan Tapiliah/2018

Dari Wikipedia baso Minang, ensiklopedia bebas
Jump to navigation Jump to search
Pintu masuak ka Batu Caves, jo patuang Dewa Murugan

Batu Caves (Tamil: பத்து மலை; Minangkabau: Guo Batu), adolah sabuah bukik kapua, nan mamiliki sarangkaian guo jo kuil guo, talatak di distrik Gombak, Selangor, Malaysia. Tampek ko dinamoi dari Sungai Batu, nan mangalia malalui bukik. Batu Caves marupoan juo namo desa tadakek. Batu kapua pambantuak Batu Caves dikatokan barumua sakita 400 juta taun. Babarapo pintu masuak guo digunokan sabagai tampek panampuangan bagi masarakaik adaik Tamuan (sabuah suku Urang Asli). Pado awal 1860, pamukim Tiongkok mulai manggali guano untuak pupuak sayuran mareka. Namun, mareka manjadi takana hanyo satalah bukik-bukik kapua dicataik oleh pamarentah kolonial tamasuak Daly jo Syers sarato naturalis Amerika, William Hornaday pado taun 1878. (salangkoknyo...)

Artikel nan Tapiliah sabalunnyo: Fatimah binti MaimunNan AchnasMitologi BatakSaridjah NiungBatu basurek Padang Roco


Batu basurek Kuburajo I

Batu basurek Kuburajo I adolah salah satu batu basurek paninggalan Rajo Adityawarman nan ditamuan di Kubu Rajo, Limo Kaum, Tanah Datar, di tapi jalan dari Batusangkar manuju ka Padang. Batu basurek ko ditulih dalam bahaso Sanskerta sabanyak anam baleh barih. H. Kern patamo kali manyabuik batu basurek ko taun 1913, nan badasa tampek ditamuannyo mako disangkonyo iko lah batu nisan atau "Kubua Rajo" Adityawarman (Balando: grafsteen). F.D.K. Bosch mampaeloki panapsiran ko, baso nan tapek manuruik bahaso Minangkabau adolah "Kubu Rajo" (aratinyo benteng). Isi batu basurek Kuburajo I dimulai jo manyabuik Adwayawarman sabagai apak dari Rajo Adityawarman, nan bagala Kanakamedinindra ('Panguaso Tanah Ameh'). (salangkoknyo...)

Artikel nan Tapiliah sabalunnyo: Batu CavesFatimah binti MaimunNan AchnasMitologi BatakSaridjah Niung


Sungai Yarmouk maalia ka Sungai Yordan

Sungai Yarmuk (Arab: نهر اليرموك‎, Nahr Al-Yarmuk, atau شريعة المناذرة, Syariah al-Manadhirah; Ibrani: נהר הירמוך‎, Nahar HaYarmukh; Latin: Hieromices), kadang ditulih Yarmouk, adolah anak sungai tagadang dari Sungai Yordan. Sungai ko maalia malalui Yordania, Suriah, jo Israel dan malalui sabagian gadang dataran tinggi Hauran. Sumber aia utamonyo adolah wadi 'Allan jo Ruqqad di utara, sarato Ehreir jo Zeizun di timua. Walaupun sungai ko sampik jo dangka di sapanjang alirannyo, di ujuangnyo ampia saleba Yordan, yaitu tigo puluah kaki lebanyo jo limo kaki dalamnyo. Jambatan Matius nan tanamo daulu panah malinteh manyubarangi Yarmuk pado patamuannyo jo Yordan. (salangkoknyo...)

Artikel nan Tapiliah sabalunnyo: Batu basurek Kuburajo IBatu CavesFatimah binti MaimunNan AchnasMitologi Batak


Avro Anson RI-003 adaloh sebuah kapa tabang  bamasin duo kaluaan Inggris, nan marupokan kapa tabang katigo nan dipunyoi pamarintah Republik Indonesia. Kapa Avro Anson dibali pada awal bulan Desember 1947, diagiah nomor register RI-003, dan digunokan sebagai sarano angkutan udaro militer maupun sipil. Upayo pambalian kapa tabang ini dimulai dengan dibantuaknyo Panitia Pusat Pangumpua Ameh oleh Mohammad Hatta di Bukittinggi pado tanggal 27 September 1947, nan batujuan mangumpuakan sumbangan masyarakat untuak mambali kapa tabang, dalam rangko malawan tahado Agresi Militer Belanda. Panitio dipimpin oleh Mr A Karim, Direktur Bank Negara. Ameh pambarian masyarakat Sumatera Barat kamudian takumpua sabarek 14 kilo, dan dibalikan kapa tabang Avro Anson di Thailand, punyo Paul H Keegan, warga negara Australia dan mantan panabang RAF (Angkatan Udara Kerajaan Inggris). Kapa tabang itu dibaok sandiri oleh Keegan ke lapangan udara Gadut, Bukittinggi. Pado akhir bulan Desember 1947, Komodor Udara Iswahjoedi dan Komodor Udara Halim Perdanakusuma manabangkan kapa tabang... (salangkoknyo...)

Artikel nan Tapiliah sabalunnyo: Sungai YarmukBatu basurek Kuburajo IBatu CavesFatimah binti MaimunNan Achnas


Pasangan Amis, maso sabalun PD II

Urang Amis (Cino: 阿美族; pinyin: āměi-zú; disabuik juo Ami atau Pangcah) adolah suatu kalompok etnis Austronesia nan marupoan panduduak asali Taiwan. Bahaso urang Amish disabuik juo bahaso Amis, nan tamasuak rumpun bahaso Austronesia. Urang Amis adolah satu dari anam baleh panduduak asali satampek nan disabuik juo aborigin Taiwan. Wilayah tradisional urang Amis maliputi ngarai panjang antaro Pagunuangan Tangah jo Pagunuangan Pantai (Lambah Huatung), dataran randah pasisia Pasifik di timua inggo ka Pagunuangan Pantai jo Samananjuang Hengchun. Pado taun 2014, jumalah panduduak Amis lah mancapai 200.604 jiwa. Jumalah ko mancapai labiah kurang 37,1% dari kasaluruahan panduduak asali Taiwan, mambueknyo jadi salah satu kalompok panduduak asali tagadang. Urang Amis umumnyo bakarajo sabagai nalayan dek iduiknyo di pasisia pantai. Ubuangan kakarabatan tradisionalnyo basipaik matrilineal. Kampuang tradisional Amis... (salangkoknyo)

Artikel nan Tapiliah sabalunnyo: Avro Anson RI-003Sungai YarmukBatu basurek Kuburajo IBatu CavesFatimah binti Maimun


Kaligrafi namo Abu Hurairah

Abu Hurairah (bahaso Arab: أبو هريرة) adolah salah surang Sahabaik Nabi, ulama, jo parawi hadits nan tanamo. Baliau adalah parawi nan paliang banyak mariwayaikan hadits dari Nabi Muhammad SAW, yaitu manuruik Ibnul Jauzi adolah sabanyak 5.374 hadits. Namo Abu Hurairah ko sasungguahnyo adolah gala nan aratinyo 'pamiliak anak kuciang', dek karano baliau sanang mamiaro kuciang. Namo baliau nan sabananyo iolah Abdurrahman bin Shakr. Abu Hurairah datang ka Madinah pado taun ka-7 Hijriyah (629 Masehi). Baliau sampek maabihan wakatu basamo Nabi salamo tigo taun. Satalah Nabi wafaik, Abu Hurairah pun manjadi salah satu tampek batanyo manganai hal-hal agamo dan sarak. Saindaknyo 800 urang alah baraja ka baliau... (salangkoknyo)

Artikel nan Tapiliah sabalunnyo: Urang AmisAvro Anson RI-003Sungai YarmukBatu basurek Kuburajo IBatu Caves


Wikipedia:Artikel nan Tapiliah/Juli/2018


Wikipedia:Artikel nan Tapiliah/Agustus/2018


Wikipedia:Artikel nan Tapiliah/September/2018


Wikipedia:Artikel nan Tapiliah/Oktober/2018


Wikipedia:Artikel nan Tapiliah/Nopember/2018


Wikipedia:Artikel nan Tapiliah/Desember/2018